བསེ་བསྡུས་ལས་དྲུག་སྒྲའི་རྣམ་བཞག
དྲུག་སྒྲའི་རྣམ་བཞག་བཤད་པ་ལ།
ཁ་ཅིག་ན་རེ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་པ་ལ་འདོད་ལན་བཏབ་པས་རྣམ་མཁྱེན་དངོས་པོར་རྟོགས་པའི་ཚད་མ་ཡིན་པར་འདོད་ཅེས་རྩི་རིགས་ཟེར་ན། འོ་ན། བདག་མེད་ཡིན་ན་དངོས་པོར་རྟོགས་པའི་ཚད་མ་མ་ཡིན་པས་ཁྱབ་པར་ཐལ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་མི་ཐེབས་པའི་ཕྱིར། དེར་ཐལ། དེ་ལ་འདོད་ལན་བཏབས་པས་རྣམ་མཁྱེན་དངོས་པོར་རྟོགས་པའི་ཚད་མ་ཡིན་པར་འདོད་ཅེས་རྩི་རིགས་པ་གང་ཞིག ། རྣམ་མཁྱེན་དངོས་པོར་རྟོགས་པའི་ཚད་མ་མ་ཡིན་པའི་ཕྱིར། རྟགས་དང་པོ་ཁས། གཉིས་པ་མ་གྲུབ་ན། རྟག་པ་མ་ཡིན་པར་ཐལ། རྣམ་མཁྱེན་དངོས་པོར་རྟོགས་པའི་ཚད་མ་ཡིན་པའི་ཕྱིར། རྟགས་ཁས། རྩ་བར་འདོད་ན། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་མ་ཡིན་པར་ཐལ། བདག་མེད་ཡིན་པའི་ཕྱིར། ཁྱབ་པ་ཁས། འདོད་མི་ནས་ཏེ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་རྣམ་མཁྱེན་དངོས་པོར་རྟོགས་པའི་ཚད་མ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། རྣམ་མཁྱེན་ཆོས་ཅན། ཡོད་པར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་རྣམ་མཁྱེན་ཡོད་པར་རྟོགས་པའི་ཚད་མ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། རྣམ་མཁྱེན་ཆོས་ཅན། ཡོད་པར་རྟོགས་པའི་ཚད་མ་ཡོད་པར་ཐལ། གཞི་གྲུབ་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་ཡོད་པར་རྟོགས་པའི་ཚད་མ་ཡོད་པར་འདོད་ཅེས་རྩི་རིགས་པ་གང་ཞིག ། ཡིན་འགོད་དང་ཡོད་འགོད་གཉིས་ཀྱི་རྩི་ཚུལ་ལ་མི་འདྲ་བའི་ཁྱད་པར་ཆེན་པོ་ཡོད་པའི་ཕྱིར།
གཞན་ཡང་། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མའི་རྒྱུ་ཡིན་པར་ཐལ། དངོས་པོ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་མི་ཐེབས་པ་ཡིན་པར་ཐལ། དེ་ལ་འདོད་ལན་བཏབ་པས་རྣམ་མཁྱེན་དངོས་པོར་རྟོགས་པའི་ཚད་མའི་རྒྱུ་ཡིན་པར་འདོད་ཅེས་རྩི་རིགས་པ་གང་ཞིག ། རྣམ་མཁྱེན་དངོས་པོར་རྟོགས་པའི་ཚད་མའི་རྒྱུ་མ་ཡིན་པའི་ཕྱིར། རྟགས་དང་པོ་མ་གྲུབ་ན། དེ་ལ་འདོད་ལན་བཏབ་པས་དེ་ལྟར་དུ་རྩི་རིགས་པ་ཡིན་པར་ཐལ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་དངོས་པོར་རྟོགས་པའི་ཚད་མ་ཡིན་པར་འདོད་ཅེས་རྩི་རིགས་པ་གང་ཞིག ། དེ་གཉིས་ཀྱི་རྩི་ཚུལ་ལ་མི་འདྲ་བའི་ཁྱད་པར་མེད་པའི་ཕྱིར། རྟགས་དང་པོ་ཁས། གོང་དུ་འདོད་ན། དངོས་པོ་ཡིན་ན་དངོས་པོར་རྟོགས་པའི་ཚད་མའི་རྒྱུ་ཡིན་པས་མ་ཁྱབ་པར་ཐལ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མའི་རྒྱུ་ཡིན་པར་ཐལ། དངོས་པོ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་མི་ཐེབས་པ་ཡིན་པའི་ཕྱིར། རྟགས་ཁས། དེར་ཐལ། དེ་ལ་འདོད་ལན་བཏབ་པས་རྣམ་མཁྱེན་དངོས་པོར་རྟོགས་པའི་ཚད་མའི་རྒྱུ་ཡིན་པར་འདོད་ཅེས་རྩི་རིགས་པ་གང་ཞིག ། རྣམ་མཁྱེན་དངོས་པོར་རྟོགས་པའི་ཚད་མའི་རྒྱུ་མ་ཡིན་པའི་ཕྱིར། རྟགས་དང་པོ་ཁས། གོང་དུ་འདོད་མི་ནུས་ཏེ། དངོས་པོ་ཡིན་ན། དངོས་པོར་རྟོགས་པའི་ཚད་མའི་རྒྱུ་ཡིན་པས་ཁྱབ་པའི་ཕྱིར། དེར་ཐལ། དངོས་པོ་ཡིན་ན་ཡོད་པར་རྟོགས་པའི་ཚད་མའི་རྒྱུ་ཡིན་པས་ཁྱབ་པའི་ཕྱིར།
གཞན་ཡང་། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མའི་རྒྱུ་ཡིན་པར་ཐལ། དངོས་པོ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་ཐེབས་པ་ཡིན་པར་ཐལ། དེ་ལ་འདོད་ལན་བཏབ་པས་རྣམ་མཁྱེན་རྣམ་མཁྱེན་དངོས་པོར་རྟོགས་པའི་ཚད་མའི་རྒྱུ་ཡིན་པར་འདོད་ཅེས་རྩི་རིགས་པ་གང་ཞིག ། རྣམ་མཁྱེན་རྣམ་མཁྱེན་དངོས་པོར་རྟོགས་པའི་ཚད་མའི་རྒྱུ་ཡིན་པའི་ཕྱིར། རྟགས་དང་པོ་མ་གྲུབ་ན། དེ་ལ་འདོད་ལན་བཏབ་པས་དེ་ལྟར་དུ་རྩི་རིགས་པ་ཡིན་པར་ཐལ། རྣམ་མཁྱེན་ཆོས་ཅན། ཡོད་པར་རྟོགས་པའི་ཚད་མའི་རྒྱུ་ཡིན་པར་ཐལ། དངོས་པོ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་རྣམ་མཁྱེན་ཡོད་པར་རྟོགས་པའི་ཚད་མའི་རྒྱུ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། རྣམ་མཁྱེན་ཆོས་ཅན། ཡོད་པར་རྟོགས་པའི་ཚད་མ་ཁྱོད་ཀྱི་འབྲས་བུ་ཡིན་པར་ཐལ། ཁྱོད་ཡོད་པར་རྟོགས་པའི་ཚད་མའི་རྒྱུ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་ཡོད་པར་རྟོགས་པའི་ཚད་མ་རྣམ་མཁྱེན་གྱི་འབྲས་བུ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། རྣམ་མཁྱེན་ཆོས་ཅན། རྟག་པར་རྟོགས་པའི་ཚད་མ་ཁྱོད་ཀྱི་དགག་བྱ་ཡིན་པར་ཐལ། ཁྱོད་རྟག་པར་རྟོགས་པའི་ཚད་མའི་དགག་གཞི་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་རྟག་པར་རྟོགས་པའི་ཚད་མ་རྣམ་མཁྱེན་གྱི་དགག་བྱ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། རྣམ་མཁྱེན་ཆོས་ཅན། རྟག་པར་རྟོགས་པའི་ཚད་མ་མེད་པར་ཐལ། དངོས་པོ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་རྟག་པར་རྟོགས་པའི་ཚད་མ་མེད་པར་འདོད་ཅེས་རྩི་རིགས་པ་གང་ཞིག ། དེའི་རིགས་འགྲོས་ཀྱིས་ཤེས་པའི་ཕྱིར།
ཁ་ཅིག་ན་རེ། རྟག་པར་རྟོགས་པའི་ཚད་མ་ཆོས་ཅན། རྟག་པར་རྟོགས་པའི་ཚད་མའི་དགག་གཞི་ཡིན་པར་ཐལ། དངོས་པོ་ཡིན་པའི་ཕྱིར་ཟེར་ན་འདོད་ལན་ཐེབས་པ་ཡིན་ཏེ། རྩི་བའི་ཚེ་ན། རྟག་པར་རྟོགས་པའི་ཚད་མ་དེ་རྟག་པར་རྟོགས་པའི་ཚད་མ་རྟག་པར་རྟོགས་པའི་ཚད་མའི་དགག་གཞི་ཡིན་པར་འདོད་ཅེས་རྩི་རིགས་པ་གང་ཞིག ། རྟག་པར་རྟོགས་པའི་ཚད་མ་དེ་རྟག་པར་རྟོགས་པའི་ཚད་མ་རྟག་པར་རྟོགས་པའི་ཚད་མའི་དགག་གཞི་ཡིན་པའི་ཕྱིར། རྟགས་དང་པོ་སླ། གཉིས་པ་མ་གྲུབ་ན། རྟག་པར་རྟོགས་པའི་ཚད་མ་དེ་རྟག་པར་རྟོགས་པའི་ཚད་མ་རྟག་པར་རྟོགས་པའི་ཚད་མའི་དགག་གཞི་ཡིན་པར་ཐལ། རྟག་པར་རྟོགས་པའི་ཚད་མ་རྟག་པར་རྟོགས་པའི་ཚད་མ་དེ་རྟག་པར་རྟོགས་པའི་ཚད་མའི་དགག་བྱ་ཡིན་པའི་ཕྱིར། མ་གྲུབ་ན། རྟག་པར་རྟོགས་པའི་ཚད་མ་རྟག་པར་རྟོགས་པའི་ཚད་མ་དེ་རྟག་པར་རྟོགས་པའི་ཚད་མའི་དགག་བྱ་ཡིན་པར་ཐལ། རྟག་པར་རྟོགས་པའི་ཚད་མ་རྟག་པར་རྟོགས་པའི་ཚད་མ་དེ་རྣམ་པ་ཐམས་ཅད་དུ་མེད་ངེས་ཡིན་པའི་ཕྱིར། མ་གྲུབ་ན། རྟག་པར་རྟོགས་པའི་ཚད་མ་ཆོས་ཅན། ཁྱོད་རྟག་པར་རྟོགས་པའི་ཚད་མ་རྣམ་པར་ཐམས་ཅད་དུ་མེད་ངེས་ཡིན་པར་ཐལ། ཁྱོད་དངོས་པོ་ཡིན་པའི་ཕྱིར།
ཁ་ཅིག་ན་རེ། རྟག་པར་རྟོགས་པའི་ཚད་མ་ཆོས་ཅན། རྟག་པར་རྟོགས་པའི་ཚད་མའི་དགག་གཞི་མ་ཡིན་པར་ཐལ། རྟག་པར་རྟོགས་པའི་ཚད་མ་དང་གཅིག་ཡིན་པའི་ཕྱིར། མ་གྲུབ་ན། རྟག་པར་རྟོགས་པའི་ཚད་མ་ཆོས་ཅན། ཁྱོད་ཁྱོད་དང་གཅིག་ཡིན་པར་ཐལ། ཁྱོད་གཞི་གྲུབ་པའི་ཕྱིར་ཟེར་ན། འདིར་འདོད་ལན་ཐེབས་པ་ཡིན་ཏེ། བརྩི་བའི་ཚེ་ན་རྟག་པར་རྟོགས་པའི་ཚད་མ་རྟག་པར་རྟོགས་པའི་ཚད་མ་དང་གཅིག་ཡིན་པར་འདོད་ཅེས་རྩི་རིགས་པ་གང་ཞིག ། རྟག་པར་རྟོགས་པའི་ཚད་མ་རྟག་པར་རྟོགས་པའི་ཚད་མ་དང་གཅིག་ཡིན་པའི་ཕྱིར། བྱས་པ་ལ་ཁོ་ན་རེ། རྟག་པར་རྟོགས་པའི་ཚད་མ་རྟག་པར་རྟོགས་པའི་ཚད་མ་དང་གཅིག་མ་ཡིན་པར་ཐལ། རྟག་པར་རྟོགས་པའི་ཚད་མ་རྟག་པར་རྟོགས་པའི་ཚད་མ་མེད་པའི་ཕྱིར་ཟེར་ན་མ་ཁྱབ། མ་གྲུབ་ན། རྟག་པར་རྟོགས་པའི་ཚད་མ་རྟག་པར་རྟོགས་པའི་ཚད་མ་མེད་པར་ཐལ། རྟག་པར་རྟོགས་པའི་ཚད་མ་དངོས་པོར་རྟོགས་པའི་ཚད་མ་ཡོད་པའི་ཕྱིར།
ཁ་ཅིག་ན་རེ། རྟག་པར་རྟོགས་པའི་ཚད་མ་རྟག་པར་རྟོགས་པའི་ཚད་མ་དང་གཅིག་མ་ཡིན་པར་ཐལ། གཞི་གྲུབ་པའི་ཕྱིར་ཟེར་ན་རྩོད་གཞི་མེད་པས་ཁྱབ་པ་གཤོག་མ་ཚང་ཞེས་ལན་འདེབས་དགོས། འོ་ན། ཁྱོད་རང་ལ་རྣམ་མཁྱེན་དངོས་པོར་རྟོགས་པའི་ཚད་མའི་དགག་གཞི་མ་ཡིན་པར་ཐལ། གཞི་གྲུབ་པའི་ཕྱིར། ཁྱབ་པ་འགྲིག ། འདོད་ན། རྣམ་མཁྱེན་དངོས་པོར་རྟོགས་པའི་ཚད་མའི་དགག་གཞི་ཡིན་པར་ཐལ། དངོས་པོར་རྟོགས་པའི་ཚད་མ་རྣམ་མཁྱེན་གྱི་དགག་བྱ་ཡིན་པའི་ཕྱིར། མ་གྲུབ་ན། དངོས་པོར་རྟོགས་པའི་ཚད་མ་ཆོས་ཅན། རྣམ་མཁྱེན་གྱི་དགག་བྱ་ཡིན་པར་ཐལ། ཚད་མས་བསལ་བ་ཡིན་པའི་ཕྱིར། མ་གྲུབ་ན། དངོས་པོར་རྟོགས་པའི་ཚད་མ་ཆོས་ཅན། ཚད་མས་བསལ་བ་ཡིན་པར་ཐལ། གཞི་མ་གྲུབ་པའི་ཕྱིར།
ཁ་ཅིག་ན་རེ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་ཡོད་པར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་དེ་རྣམ་མཁྱེན་རྣམ་མཁྱེན་དངོས་པོར་རྟོགས་པའི་ཚད་མ་ཡོད་པར་རྟོགས་པའི་ཚད་མ་ཡིན་པར་འདོད་ཅེས་རྩི་རིགས་པ་ཡིན་པར་ཐལ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་དང་ཡོད་པར་རྟོགས་པའི་ཚད་མ་གཉིས་ཀ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་རྣམ་མཁྱེན་དངོས་པོར་རྟོགས་པའི་ཚད་མ་དང་རྣམ་མཁྱེན་ཡོད་པར་རྟོགས་པའི་ཚད་མ་གཉིས་ཀ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར་ཟེར་ན་མ་ཁྱབ། རྟགས་གྲུབ་པ་ཡིན་ཏེ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་དང་ཡོད་པར་རྟོགས་པའི་ཚད་མ་དང་དངོས་པོར་རྟོགས་པའི་ཚད་མ་གསུམ་ག་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་རྣམ་མཁྱེན་དངོས་པོར་རྟོགས་པའི་ཚད་མ་དང་རྣམ་མཁྱེན་ཡོད་པར་རྟོགས་པའི་ཚད་མ་དང་རྣམ་མཁྱེན་དངོས་པོར་རྟོགས་པའི་ཚད་མ་གསུམ་ག་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་དང་ཡོད་པར་རྟོགས་པའི་ཚད་མ་དང་རྟག་པར་རྟོགས་པའི་ཚད་མ་དང་མེད་པར་རྟོགས་པའི་ཚད་མ་བཞི་ག་མ་ཡིན་པར་ཐལ། བདག་མེད་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་རྣམ་མཁྱེན་དངོས་པོར་རྟོགས་པའི་ཚད་མ་དང་རྣམ་མཁྱེན་ཡོད་པར་རྟོགས་པའི་ཚད་མ་དང་རྣམ་མཁྱེན་རྟག་པར་རྟོགས་པའི་ཚད་མ་དང་རྣམ་མཁྱེན་མེད་པར་རྟོགས་པའི་ཚད་མ་བཞི་ཀ་མ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། རྩ་བར་འདོད་ན། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་ཡོད་པར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་དེ་རྣམ་མཁྱེན་རྣམ་མཁྱེན་དངོས་པོར་རྟོགས་པའི་ཚད་མ་ཡོད་པར་རྟོགས་པའི་ཚད་མ་ཡིན་པར་འདོད་ཅེས་རྩི་མི་རིགས་པ་ཡིན་པར་ཐལ། དེ་ལ་འདོད་ལན་བཏབ་པས་རྣམ་མཁྱེན་རྣམ་མཁྱེན་དངོས་པོར་རྟོགས་པའི་ཚད་མ་ཡོད་པར་རྟོགས་པའི་ཚད་མ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་ཡོད་པར་རྟོགས་པའི་ཚད་མ་རྟག་པར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་རྣམ་མཁྱེན་དངོས་པོར་རྟོགས་པའི་ཚད་མ་ཡོད་པར་རྟོགས་པའི་ཚད་མ་རྟག་པར་རྟོགས་པའི་ཚད་མ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་ཡོད་པར་རྟོགས་པའི་ཚད་མ་རྟག་པར་རྟོགས་པའི་ཚད་མ་མེད་པར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་རྣམ་མཁྱེན་དངོས་པོར་རྟོགས་པའི་ཚད་མ་ཡོད་པར་རྟོགས་པའི་ཚད་མ་རྟག་པར་རྟོགས་པའི་ཚད་མ་མེད་པར་རྟོགས་པའི་ཚད་མ་མ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། རྣམ་མཁྱེན་གྱིས་རྩོད་གཞི་བྱས་ནས་དངོས་པོར་རྟོགས་པའི་ཚད་མ་ཡོད་པར་རྟོགས་པའི་ཚད་མ་རྟག་པར་རྟོགས་པའི་ཚད་མ་མེད་པར་རྟོགས་པའི་ཚད་མ་གཅིགནས་བརྒྱ་སྟོང་གི་བར་དུ་ཅི་ཙམ་བརྩེགས་ཀྱང་ཡིན་འགོད་བྱས་ན་མགོ་དེ་ལས་རྣམ་མཁྱེན་གཉིས་ལས་ལྷག་འཕར་མི་དགོས་པ་དེ་ཡིན་པའི་ཕྱིར།
ཁ་ཅིག་ན་རེ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་ཡོད་པར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་མགོ་དེ་ལས་རྣམ་མཁྱེན་གསུམ་འཕར་ནས་རྩི་རིགས་པར་ཐལ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་ཡིན་པར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་མགོ་དེ་ལས་རྣམ་མཁྱེན་གསུམ་འཕར་ནས་རྩི་རིགས་པ་ཡིན་པའི་ཕྱིར་ཟེར་ན་མ་ཁྱབ། རྟགས་གྲུབ་སྟེ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་ཡིན་པར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་དེ་རྣམ་མཁྱེན་རྣམ་མཁྱེན་དངོས་པོར་རྟོགས་པའི་ཚད་མ་ཡིན་པར་རྟོགས་པའི་ཚད་མ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། རྣམ་མཁྱེན་ཆོས་ཅན། ཡིན་པར་རྟོགས་པའི་ཚད་མ་ཡིན་པར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་དེ་རྣམ་མཁྱེན་རྣམ་མཁྱེན་ཡིན་པར་རྟོགས་པའི་ཚད་མ་ཡིན་པར་རྟོགས་པའི་ཚད་མ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། མ་གྲུབ་ན། དེ་ལ་འདོད་ལན་བཏབ་པས་དེ་ལྟར་དུ་རྩི་རིགས་པར་ཐལ། རྣམ་མཁྱེན་ཆོས་ཅན། ཡིན་པར་རྟོགས་པའི་ཚད་མ་མ་ཡིན་པར་རྟོགས་པའི་ཚད་མ་ཡིན་པར་རྟོགས་པའི་ཚད་མ་མ་ཡིན་པར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་དེ་རྣམ་མཁྱེན་རྣམ་མཁྱེན་རྣམ་མཁྱེན་རྣམ་མཁྱེན་ཡིན་པར་རྟོགས་པའི་ཚད་མ་མ་ཡིན་པར་རྟོགས་པའི་ཚད་མ་ཡིན་པར་རྟོགས་པའི་ཚད་མ་མ་ཡིན་པར་རྟོགས་པའི་ཚད་མ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། རྣམ་མཁྱེན་གྱིས་རྩོད་གཞི་བྱས་ནས་ཡིན་པར་རྟོགས་པའི་ཚད་མ་མ་ཡིན་པར་རྟོགས་པའི་ཚད་མའི་བར་དང་སྒྲས་མཆོད་པར་ཡིན་འགོད་བྱས་ནས་བཞི་བརྩེགས་ན་མགོ་དེ་ལས་རྣམ་མཁྱེན་ལྔ་འཕར་དགོས་ལ། ཡིན་འགོད་བྱས་ནས་ལྔ་བརྩེགས་ན་མདོ་དེ་ལས་རྣམ་མཁྱེན་དྲུག་འཕར་དགོས་པ་སོགས་རིགས་འགྲོས་ཀྱིས་ཤེས་པའི་ཕྱིར།
ཁ་ཅིག་ན་རེ། རྣམ་མཁྱེན་ཆོས་ཅན། ཡིན་པར་རྟོགས་པའི་ཚད་མ་ཡིན་པར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་ཐེབས་ཟེར་ན། དེ་ལ་འདོད་ལན་མི་ཐེབས་པ་ཡིན་པར་ཐལ། དེ་ལ་འདོད་ལན་བཏབ་པས་རྣམ་མཁྱེན་དེ་རྣམ་མཁྱེན་རྣམ་མཁྱེན་ཡིན་པར་རྟོགས་པའི་ཚད་མ་ཡིན་པར་རྟོགས་པའི་ཚད་མ་ཡིན་པར་འདོད་ཅེས་རྩི་རིགས་པ་གང་ཞིག ། རྣམ་མཁྱེན་དེ་རྣམ་མཁྱེན་རྣམ་མཁྱེན་ཡིན་པར་རྟོགས་པའི་ཚད་མ་ཡིན་པར་རྟོགས་པའི་ཚད་མ་མ་ཡིན་པའི་ཕྱིར། རྟགས་དང་པོ་སླ། གཉིས་པ་མ་གྲུབ་ན། རྣམ་མཁྱེན་དེ་རྣམ་མཁྱེན་རྣམ་མཁྱེན་ཡིན་པར་རྟོགས་པའི་ཚད་མ་ཡིན་པར་རྟོགས་པའི་ཚད་མ་མ་ཡིན་པར་ཐལ། རྣམ་མཁྱེན་རྣམ་མཁྱེན་ཡིན་པར་རྟོགས་པའི་ཚད་མ་ཡིན་པར་རྣམ་མཁྱེན་གྱི་གཞལ་བྱ་མ་ཡིན་པའི་ཕྱིར། མ་གྲུབ་ན། རྣམ་མཁྱེན་རྣམ་མཁྱེན་རྣམ་མཁྱེན་ཡིན་པར་རྟོགས་པའི་ཚད་མ་ཡིན་པར་རྟོགས་པའི་ཚད་མ་ཡིན་པར་རྣམ་མཁྱེན་གྱི་གཞལ་བྱ་མ་ཡིན་པར་ཐལ། རྣམ་མཁྱེན་རྣམ་མཁྱེན་ཡིན་པར་རྟོགས་པའི་ཚད་མ་མ་ཡིན་པའི་ཕྱིར། མ་གྲུབ་ན། རྣམ་མཁྱེན་རྣམ་མཁྱེན་ཡིན་པར་རྟོགས་པའི་ཚད་མ་མ་ཡིན་པར་ཐལ། རྣམ་མཁྱེན་རྣམ་མཁྱེན་མ་ཡིན་པར་རྟོགས་པའི་ཚད་མ་ཡིན་པའི་ཕྱིར། མ་གྲུབ་ན། རྣམ་མཁྱེན་རྣམ་མཁྱེན་མ་ཡིན་པར་རྟོགས་པའི་ཚད་མ་ཡིན་པར་ཐལ། རྣམ་མཁྱེན་མ་ཡིན་པར་རྣམ་མཁྱེན་གྱི་གཞལ་བྱ་ཡིན་པའི་ཕྱིར།
ཁ་ཅིག་ན་རེ། རྣམ་མཁྱེན་ཆོས་ཅན། མ་ཡིན་པར་རྟོགས་པའི་ཚད་མ་མ་ཡིན་པར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་ཐེབས་ཟེར་ན་དེ་ལ་འདོད་ལན་མི་ཐེབས་པར་ཐལ། དེ་འདྲ་བའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་དེ་རྣམ་མཁྱེན་རྣམ་མཁྱེན་མ་ཡིན་པར་རྟོགས་པའི་ཚད་མ་མ་ཡིན་པར་རྟོགས་པའི་ཚད་མ་ཡིན་པར་འདོད་ཅེས་རྩི་རིགས་པ་གང་ཞིག ། རྣམ་མཁྱེན་དེ་རྣམ་མཁྱེན་རྣམ་མཁྱེན་མ་ཡིན་པར་རྟོགས་པའི་ཚད་མ་མ་ཡིན་པར་རྟོགས་པའི་ཚད་མ་མ་ཡིན་པའི་ཕྱིར། རྟགས་དང་པོ་སླ། གཉིས་པ་མ་གྲུབ་ན། རྣམ་མཁྱེན་དེ་རྣམ་མཁྱེན་རྣམ་མཁྱེན་མ་ཡིན་པར་རྟོགས་པའི་ཚད་མ་མ་ཡིན་པར་རྟོགས་པའི་ཚད་མ་མ་ཡིན་པར་ཐལ། རྣམ་མཁྱེན་རྣམ་མཁྱེན་མ་ཡིན་པར་རྟོགས་པའི་ཚད་མ་མ་ཡིན་པར་རྣམ་མཁྱེན་གྱི་གཞལ་བྱ་མ་ཡིན་པའི་ཕྱིར། མ་གྲུབ་ན། རྣམ་མཁྱེན་རྣམ་མཁྱེན་མ་ཡིན་པར་རྟོགས་པའི་ཚད་མ་མ་ཡིན་པར་རྣམ་མཁྱེན་གྱི་གཞལ་བྱ་མ་ཡིན་པར་ཐལ། རྣམ་མཁྱེན་རྣམ་མཁྱེན་མ་ཡིན་པར་རྟོགས་པའི་ཚད་མ་ཡིན་པའི་ཕྱིར། མ་གྲུབ་ན། རྣམ་མཁྱེན་རྣམ་མཁྱེན་མ་ཡིན་པར་རྟོགས་པའི་ཚད་མ་ཡིན་པར་ཐལ། རྣམ་མཁྱེན་མ་ཡིན་པར་རྣམ་མཁྱེན་གྱི་གཞལ་བྱ་ཡིན་པའི་ཕྱིར།
ཁ་ཅིག་ན་རེ། རྣམ་མཁྱེན་ཆོས་ཅན། ཡིན་པར་རྟོགས་པའི་ཚད་མའི་དགག་གཞི་ཡིན་པར་ཐལ། ཡོད་པ་གང་ཞིག ། མ་ཡིན་པ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་མི་ཐེབས་ཟེར་ན། དེ་ཐེབས་པ་ཡིན་པར་ཐལ། དེ་ལ་འདོད་ལན་བཏབ་པས་རྣམ་མཁྱེན་རྣམ་མཁྱེན་ཡིན་པར་རྟོགས་པའི་ཚད་མའི་དགག་གཞི་ཡིན་པར་འདོད་ཅེས་རྩི་རིགས་པ་གང་ཞིག ། རྣམ་མཁྱེན་རྣམ་མཁྱེན་ཡིན་པར་རྟོགས་པའི་ཚད་མའི་དགག་གཞི་ཡིན་པའི་ཕྱིར། རྟགས་དང་པོ་སླ། གཉིས་པ་མ་གྲུབ་ན། རྣམ་མཁྱེན་རྣམ་མཁྱེན་ཡིན་པར་རྟོགས་པའི་ཚད་མའི་དགག་གཞི་ཡིན་པར་ཐལ། རྣམ་མཁྱེན་ཡིན་པར་རྟོགས་པའི་ཚད་མ་རྣམ་མཁྱེན་གྱི་དགག་བྱ་ཡིན་པའི་ཕྱིར། བྱས་པ་ལ་ཁོ་ན་རེ། རྣམ་མཁྱེན་རྣམ་མཁྱེན་ཡིན་པར་རྟོགས་པའི་ཚད་མའི་དགག་གཞི་མ་ཡིན་པར་ཐལ། རྣམ་མཁྱེན་རྣམ་མཁྱེན་ཡིན་པར་རྟོགས་པའི་ཚད་མ་ཡོད་པའི་ཕྱིར་ཟེར་ན་རྩོད་གཞི་མེད་པས་ཁྱབ་པ་གཤོག་མ་ཚང་ཞེས་ལན་འདེབས།
ཁ་ཅིག་ན་རེ། རྣམ་མཁྱེན་ཆོས་ཅན། རྣམ་མཁྱེན་ཡིན་པར་རྟོགས་པའི་ཚད་མ་མེད་པར་ཐལ། རྣམ་མཁྱེན་ཡིན་པར་རྟོགས་པའི་ཚད་མའི་དགག་གཞི་ཡིན་པའི་ཕྱིར་ཟེར་ན་སྦྱོར་ལུགས་སྐྱོན་ཅན་གྱི་ལན་འདེབས། དེ་ལ་འདོད་ལན་མི་ཐེབས་པ་ཡིན་ཏེ། དེ་ལ་འདོད་ལན་བཏབ་པས་རྣམ་མཁྱེན་རྣམ་མཁྱེན་ཡིན་པར་རྟོགས་པའི་ཚད་མ་མེད་པར་འདོད་ཅེས་རྩི་རིགས་པ་གང་ཞིག ། རྣམ་མཁྱེན་རྣམ་མཁྱེན་ཡིན་པར་རྟོགས་པའི་ཚད་མ་ཡོད་པའི་ཕྱིར། རྟགས་དང་པོ་མ་གྲུབ་ན། དེ་ལ་འདོད་ལན་བཏབ་པས་དེ་ལྟར་དུ་རྩི་རིགས་པར་ཐལ། རྣམ་མཁྱེན་ཆོས་ཅན། དངོས་པོ་ཡིན་པར་རྟོགས་པའི་ཚད་མ་མེད་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་དངོས་པོ་ཡིན་པར་རྟོགས་པའི་ཚད་མ་མེད་པར་འདོད་ཅེས་རྩི་རིགས་པ་གང་ཞིག ། དེ་གཉིས་ཀྱི་རྩི་ཚུལ་ལ་མི་འདྲ་བའི་ཁྱད་པར་མེད་པའི་ཕྱིར། རྟགས་དང་པོ་མ་གྲུབ་ན། དེ་ལ་འདོད་ལན་བཏབ་པས་དེ་ལྟར་དུ་རྩི་རིགས་པར་ཐལ། རྣམ་མཁྱེན་ཆོས་ཅན། དངོས་པོ་ཡིན་པར་རྟོགས་པའི་ཚད་མ་ཡོད་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་དངོས་པོ་ཡིན་པར་རྟོགས་པའི་ཚད་མ་ཡོད་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་ཡོད་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་དངོས་པོར་རྟོགས་པའི་ཚད་མ་ཡོད་པར་འདོད་ཅེས་རྩི་རིགས་པ་གང་ཞིག ། དེའི་རིགས་འགྲོས་ཀྱིས་ཤེས་པའི་ཕྱིར།
ཁ་ཅིག་ན་རེ། རྣམ་མཁྱེན་ཆོས་ཅན། རྣམ་མཁྱེན་ཡིན་པར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་རྣམ་མཁྱེན་ཡིན་པར་རྟོགས་པའི་ཚད་མ་ཡིན་པར་འདོད་ཅེས་རྩི་རིགས་ཟེར་ན། དེ་མི་རིགས་པར་ཐལ། དེ་ལ་འདོད་ལན་བཏབ་པས་རྣམ་མཁྱེན་དེ་རྣམ་མཁྱེན་རྣམ་མཁྱེན་ཡིན་པར་རྟོགས་པའི་ཚད་མ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། རྣམ་མཁྱེན་ཆོས་ཅན། དངོས་པོ་ཡིན་པར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་རྣམ་མཁྱེན་དངོས་པོ་ཡིན་པར་རྟོགས་པའི་ཚད་མ་ཡིན་པར་འདོད་ཅེས་རྩི་རིགས་པ་གང་ཞིག ། དེའི་རིགས་འགྲོས་ཀྱིས་ཤེས་པའི་ཕྱིར། རྟགས་དང་པོ་མ་གྲུབ་ན། དེ་ལ་འདོད་ལན་བཏབ་པས་དེ་ལྟར་དུ་རྩི་རིགས་པ་ཡིན་པར་ཐལ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་རྣམ་མཁྱེན་དངོས་པོར་རྟོགས་པའི་ཚད་མ་ཡིན་པར་འདོད་ཅེས་རྩི་རིགས་པ་གང་ཞིག ། དེ་གཉིས་ཀྱི་རྩི་ཚུལ་ལ་མི་འདྲ་བའི་ཁྱད་པར་མེད་པའི་ཕྱིར།
ཁ་ཅིག་ན་རེ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་དངོས་པོར་རྟོགས་པའི་ཚད་མ་དང་ཡོད་པར་རྟོགས་པའི་ཚད་མ་ཡོད་པར་རྟོགས་པའི་ཚད་མ་གཉིས་ཀ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་དེ་རྣམ་མཁྱེན་རྣམ་མཁྱེན་དངོས་པོར་རྟོགས་པའི་ཚད་མ་དངོས་པོར་རྟོགས་པའི་ཚད་མ་དང་རྣམ་མཁྱེན་རྣམ་མཁྱེན་ཡོད་པར་རྟོགས་པའི་ཚད་མ་ཡོད་པར་རྟོགས་པའི་ཚད་མ་གཉིས་ཀ་ཡིན་པར་འདོད་ཅེས་རྩི་རིགས་པ་ཡིན་པར་ཐལ། རྣམ་མཁྱེན་ཆོས་ཅན། ཡིན་པར་རྟོགས་པའི་ཚད་མ་ཡིན་པར་རྟོགས་པའི་ཚད་མ་དང་མ་ཡིན་པར་རྟོགས་པའི་ཚད་མ་མ་ཡིན་པར་རྟོགས་པའི་ཚད་མ་གཉིས་ཀ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་དེ་རྣམ་མཁྱེན་རྣམ་མཁྱེན་ཡིན་པར་རྟོགས་པའི་ཚད་མ་ཡིན་པར་རྟོགས་པའི་ཚད་མ་དང་རྣམ་མཁྱེན་རྣམ་མཁྱེན་མ་ཡིན་པར་རྟོགས་པའི་ཚད་མ་མ་ཡིན་པར་རྟོགས་པའི་ཚད་མ་གཉིས་ཀ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར་ཟེར་ན་མ་ཁྱབ། རྟགས་གྲུབ་པ་ཡིན་ཏེ། རྣམ་མཁྱེན་ཆོས་ཅན། ཡིན་པར་རྟོགས་པའི་ཚད་མ་ཡིན་པར་རྟོགས་པའི་ཚད་མ་དང་མ་ཡིན་པར་རྟོགས་པའི་ཚད་མ་མ་ཡིན་པར་རྟོགས་པའི་ཚད་མ་མ་ཡིན་པར་རྟོགས་པའི་ཚད་མ་གཉིས་ཀ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་དེ་རྣམ་མཁྱེན་རྣམ་མཁྱེན་ཡིན་པར་རྟོགས་པའི་ཚད་མ་ཡིན་པར་རྟོགས་པའི་ཚད་མ་དང་རྣམ་མཁྱེན་དེ་རྣམ་མཁྱེན་རྣམ་མཁྱེན་མ་ཡིན་པར་རྟོགས་པའི་ཚད་མ་མ་ཡིན་པར་རྟོགས་པའི་ཚད་མ་མ་ཡིན་པར་རྟོགས་པའི་ཚད་མ་གཉིས་ཀ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། རྩ་བར་འདོད་མི་ནུས་ཏེ། དེ་ལ་འདོད་ལན་བཏབ་པས་རྣམ་མཁྱེན་རྣམ་མཁྱེན་དངོས་པོར་རྟོགས་པའི་ཚད་མ་དངོས་པོར་རྟོགས་པའི་ཚད་མ་དང་རྣམ་མཁྱེན་ཡོད་པར་རྟོགས་པའི་ཚད་མ་ཡོད་པར་རྟོགས་པའི་ཚད་མ་གཉིས་ཀ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་དངོས་པོར་རྟོགས་པའི་ཚད་མ་དངོས་པོར་རྟོགས་པའི་ཚད་མ་དང་ཡོད་པར་རྟོགས་པའི་ཚད་མ་ཡོད་པར་རྟོགས་པའི་ཚད་མ་ཡོད་པར་རྟོགས་པའི་ཚད་མ་གཉིས་ཀ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་རྣམ་མཁྱེན་དངོས་པོར་རྟོགས་པའི་ཚད་མ་དངོས་པོར་རྟོགས་པའི་ཚད་མ་དངོས་པོར་རྟོགས་པའི་ཚད་མ་དང་རྣམ་མཁྱེན་ཡོད་པར་རྟོགས་པའི་ཚད་མ་ཡོད་པར་རྟོགས་པའི་ཚད་མ་ཡོད་པར་རྟོགས་པའི་ཚད་མ་གཉིས་ཀ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། རྣམ་མཁྱེན་གྱིས་རྩོད་གཞི་བྱས་ནས་དངོས་པོར་རྟོགས་པའི་ཚད་མ་ཡོད་པར་རྟོགས་པའི་ཚད་མའི་བར་དང་སྒྲས་མ་ཆོད་པར་ཡིན་འགོད་བྱས་ན་མགོ་དེ་ལས་རྣམ་མཁྱེན་གཉིས་ལས་ལྷག་འཕར་མི་དགོས་པ་སྔར་བཤད་ཟིན་པ་ལྟར་ཡིན་པའི་ཕྱིར།
ཁ་ཅིག་ན་རེ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་དང་ཡོད་པར་རྟོགས་པའི་ཚད་མ་གཉིས་ཀ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་མགོ་དེ་ལས་རྣམ་མཁྱེན་གསུམ་འཕར་ནས་རྩི་རིགས་པ་ཡིན་པར་ཐལ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་དང་ཡོད་པར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་མགོ་དེ་ལས་རྣམ་མཁྱེན་གསུམ་འཕར་ནས་རྩི་རིགས་པ་ཡིན་པའི་ཕྱིར་ཟེར་ན་མ་ཁྱབ། རྟགས་གྲུབ་པ་ཡིན་ཏེ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་དང་ཡོད་པར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་དེ་རྣམ་མཁྱེན་རྣམ་མཁྱེན་དངོས་པོར་རྟོགས་པའི་ཚད་མ་དང་ཡོད་པར་རྟོགས་པའི་ཚད་མ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། རྣམ་མཁྱེན་ཆོས་ཅན། གཅིག་ཏུ་རྟོགས་པའི་ཚད་མ་དང་ཐ་དད་དུ་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་དེ་རྣམ་མཁྱེན་རྣམ་མཁྱེན་གཅིག་ཏུ་རྟོགས་པའི་ཚད་མ་དང་ཐ་དད་དུ་རྟོགས་པའི་ཚད་མ་ཡིན་པར་འདོད་ཅེས་རྩི་རིགས་ཤིང་འདོད་ལན་ཡང་ཐེབས་པ་ཡིན་པའི་ཕྱིར། དེར་ཐལ། རྣམ་མཁྱེན་ཆོས་ཅན། གཅིག་ཏུ་རྟོགས་པའི་ཚད་མ་དང་གཅིག་ཏུ་རྟོགས་པའི་ཚད་མའི་དགག་གཞི་ཡིན་པར་ཐལ། གཅིག་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་དེ་རྣམ་མཁྱེན་རྣམ་མཁྱེན་གཅིག་ཏུ་རྟོགས་པའི་ཚད་མ་དང་གཅིག་ཏུ་རྟོགས་པའི་ཚད་མའི་དགག་གཞི་ཡིན་པར་འདོད་ཅེས་རྩི་རིགས་པ་གང་ཞིག ། དེའི་རིགས་འགྲོས་ཀྱིས་ཤེས་པའི་ཕྱིར།
ཁ་ཅིག་ན་རེ། རྣམ་མཁྱེན་ཆོས་ཅན། གཅིག་ཏུ་རྟོགས་པའི་ཚད་མ་དང་གཅིག་ཏུ་རྟོགས་པའི་ཚད་མ་ཡོད་པར་ཐལ། གཅིག་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་ཐེབས་པ་ཡིན་པར་ཐལ། རྣམ་མཁྱེན་ཆོས་ཅན། གཅིག་ཏུ་རྟོགས་པའི་ཚད་མ་དང་གཅིག་ཏུ་རྟོགས་པའི་ཚད་མ་གཉིས་ཀ་ཡོད་པར་ཐལ། གཅིག་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་ཐེབས་པ་ཡིན་པའི་ཕྱིར་ཟེར་ན་མ་ཁྱབ། འདོད་མི་ནུས་ཏེ། དེ་ལ་འདོད་ལན་བཏབ་པས་རྣམ་མཁྱེན་རྣམ་མཁྱེན་གཅིག་ཏུ་རྟོགས་པའི་ཚད་མ་དང་གཅིག་ཏུ་རྟོགས་པའི་ཚད་མ་ཡོད་པར་འདོད་ཅེས་རྩི་རིགས་པ་གང་ཞིག ། རྣམ་མཁྱེན་རྣམ་མཁྱེན་གཅིག་ཏུ་རྟོགས་པའི་ཚད་མ་དང་གཅིག་ཏུ་རྟོགས་པའི་ཚད་མ་མེད་པའི་ཕྱིར། དེར་ཐལ། རྣམ་མཁྱེན་རྣམ་མཁྱེན་གཅིག་ཏུ་རྟོགས་པའི་ཚད་མ་དང་གཅིག་མ་ཡིན་པའི་ཕྱིར། གོང་གི་མ་ཁྱབ་མཚམས་ལ་རྟགས་མ་གྲུབ་ཟེར་ན། རྣམ་མཁྱེན་ཆོས་ཅན། གཅིག་ཏུ་རྟོགས་པའི་ཚད་མ་དང་གཅིག་ཏུ་རྟོགས་པའི་ཚད་མ་གཉིས་ཀ་ཡོད་པར་ཐལ། གཅིག་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་ཐེབས་པ་ཡིན་པར་ཐལ༑ དེ་ལ་འདོད་ལན་བཏབ་པས་རྣམ་མཁྱེན་གཅིག་ཏུ་རྟོགས་པའི་ཚད་མ་དང་རྣམ་མཁྱེན་གཅིག་ཏུ་རྟོགས་པའི་ཚད་མ་གཉིས་ཀ་ཡོད་པར་འདོད་ཅེས་རྩི་རིགས་པ་གང་ཞིག ། དེ་གཉིས་ཀ་ཡོད་པའི་ཕྱིར། དེར་ཐལ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་དང་ཡོད་པར་རྟོགས་པའི་ཚད་མ་གཉིས་ཀ་ཡོད་པར་ཐལ། དངོས་པོ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་དངོས་པོར་རྟོགས་པའི་ཚད་མ་དང་རྣམ་མཁྱེན་ཡོད་པར་རྟོགས་པའི་ཚད་མ་གཉིས་ཀ་ཡོད་པར་འདོད་ཅེས་རྩི་རིགས་ཤིང་འདོད་ལན་ཡང་ཐེབས་པ་ཡིན་པའི་ཕྱིར།
གཞན་ཡང་། རྣམ་མཁྱེན་ཆོས་ཅན། གཅིག་ཏུ་རྟོགས་པའི་ཚད་མ་དང་གཅིག་ཏུ་རྟོགས་པའི་ཚད་མ་མེད་པར་ཐལ། གཅིག་ཏུ་རྟོགས་པའི་ཚད་མ་དང་ཐ་དད་དུ་རྟོགས་པའི་ཚད་མ་ཡོད་པའི་ཕྱིར། མ་གྲུབ་ན། རྣམ་མཁྱེན་ཆོས་ཅན། གཅིག་ཏུ་རྟོགས་པའི་ཚད་མ་དང་ཐ་དད་དུ་རྟོགས་པའི་ཚད་མ་ཡོད་པར་ཐལ། གཅིག་ཏུ་རྟོགས་པའི་ཚད་མ་དང་ཐ་དད་ཡིན་པའི་ཕྱིར། མ་གྲུབ་ན། རྣམ་མཁྱེན་ཆོས་ཅན། གཅིག་ཏུ་རྟོགས་པའི་ཚད་མ་དང་ཐ་དད་ཡིན་པར་ཐལ། གཞི་གྲུབ་པའི་ཕྱིར།
ཁ་ཅིག་ན་རེ། གཅིག་ཏུ་རྟོགས་པའི་ཚད་མ་ཆོས་ཅན། གཅིག་ཏུ་རྟོགས་པའི་ཚད་མ་དང་ཐ་དད་ཡིན་པར་ཐལ། གཞི་གྲུབ་པའི་ཕྱིར། ཁྱབ་པ་ཁས་ཟེར་ན། འདོད་ལན་ཐེབས་པ་ཡིན་ཏེ། རྩི་བའི་ཚེ་ན། གཅིག་ཏུ་རྟོགས་པའི་ཚད་མ་དེ་གཅིག་ཏུ་རྟོགས་པའི་ཚད་མ་གཅིག་ཏུ་རྟོགས་པའི་ཚད་མ་དང་ཐ་དད་ཡིན་པར་འདོད་ཅེས་རྩི་རིགས་ཤིང་འདོད་ལན་ཡང་ཐེབས་པ་ཡིན་པའི་ཕྱིར། བྱས་པ་ལ་ཁོ་ན་རེ། གཅིགཏུ་རྟོགས་པའི་ཚད་མ་ཆོས་ཅན། ཁྱོད་ཁྱོད་དང་ཐ་དད་མ་ཡིན་པར་ཐལ། ཁྱོད་གཞི་གྲུབ་པའི་ཕྱིར་ཟེར་ན། འདོད་ལན་ཐེབས་པ་ཡིན་ཏེ། རྩི་བའི་ཚེ་ན་གཅིག་ཏུ་རྟོགས་པའི་ཚད་མ་གཅིག་ཏུ་རྟོགས་པའི་ཚད་མ་དང་ཐ་དད་མ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར།
ཁ་ཅིག་ན་རེ། བུམ་པའི་དགག་གཞི་ཆོས་ཅན། ཁྱོད་བུམ་པའི་དགག་གཞི་ཡིན་པར་ཐལ། ཁྱོད་ཡོད་པ་གང་ཞིག ། བུམ་པ་མེད་པའི་ཕྱིར་ཞེས་པའི་ཐལ་འགྱུར་གྱི་གསལ་པ་ལ་འདོད་ལན་བཏབ་པས་བུམ་པའི་དགག་གཞི་བུམ་པའི་དགག་གཞི་ཡིན་པར་འདོད་ཅེས་རྩི་རིགས་ཤིང་འདོད་ལན་ཐེབས་ཟེར་ན། འོ་ན་བུམ་པའི་དགག་གཞི་བུམ་པའི་དགག་གཞི་ཡིན་པར་ཐལ། ཁྱོད་ཀྱིས་རྩི་ཚུལ་འཐད་པའི་ཕྱིར། འདོད་ན། བུམ་པའི་དགགགཞིས་བུམ་པ་བཀག་པར་ཐལ། བུམ་པའི་དགག་གཞི་བུམ་པའི་དགག་གཞི་ཡིན་པའི་ཕྱིར། འདོད་ན། བུམ་པའི་དགག་གཞིས་བུམ་པ་སྐྱེས་པ་བཀག་པར་ཐལ། བུམ་པའི་དགག་གཞིས་བུམ་པ་བཀག་པའི་ཕྱིར། འདོད་ན། བུམ་པ་ཆོས་ཅན། ཁྱོད་མ་སྐྱེས་པར་ཐལ། བུམ་པའི་དགག་གཞིས་ཁྱོད་སྐྱེས་པ་བཀག་པའི་ཕྱིར། རྟགས་ཁས། འདོད་མི་ནུས་ཏེ། ཁྱོད་དངོས་པོ་ཡིན་པའི་ཕྱིར།
ཁ་ཅིག་གིས། དེ་ལ་འདོད་ལན་བཏབ་པས་བུམ་པའི་དགག་གཞི་ཆོས་ཅན་གྱི་སྟེང་དུ་བུམ་པའི་དགག་གཞི་བུམ་པའི་དགག་གཞི་ཡིན་པར་འདོད་ཅེས་རྩི་རིགས་ཤིང་འདོད་ལན་ཐེབས་ཟེར་ན། འོ་ན། བུམ་པའི་དགག་གཞི་ཆོས་ཅན་གྱི་སྟེང་དུ་བུམ་པའི་དགག་གཞི་བུམ་པའི་དགག་གཞི་ཡིན་པར་ཐལ། ཁྱོད་ཀྱིས་རྩི་རིགས་པ་དང་འདོད་ལན་ཐེབས་པ་གཉིས་ཀ་ཡིན་པའི་ཕྱིར། འདོད་ན། བུམ་པའི་དགག་གཞི་ཆོས་ཅན་གྱི་སྟེང་དུ་བུམ་པའི་དགག་གཞིས་བུམ་པ་བཀག་པར་ཐལ། བུམ་པའི་དགག་གཞི་ཆོས་ཅན་གྱི་སྟེང་དུ་བུམ་པའི་དགག་གཞི་བུམ་པའི་དགག་གཞི་ཡིན་པའི་ཕྱིར། འདོད་ན། བུམ་པའི་དགགགཞི་ཆོས་ཅན་གྱི་སྟེང་དུ་བུམ་པའི་དགག་གཞིས་བུམ་པ་སྐྱེས་པ་བཀག་པར་ཐལ། བུམ་པའི་དགག་གཞི་ཆོས་ཅན་གྱི་སྟེང་དུ་བུམ་པའི་དགག་གཞིས་བུམ་པ་བཀག་པའི་ཕྱིར། འདོད་མི་ནུས་ཏེ། བུམ་པ་སྐྱེས་པ་ཡིན་པའི་ཕྱིར།
གཞན་ཡང་། བུམ་པའི་དགག་གཞི་ཆོས་ཅན། ཁྱོད་བུམ་པའི་དགག་གཞི་ཡིན་པར་ཐལ། ཁྱོད་ཡོད་པ་གང་ཞིག ། བུམ་པ་མེད་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་འདེབས་ཚུལ་དེ་དག་མི་འཐད་པ་ཡིན་པར་ཐལ། དེ་ལ་འདོད་ལན་བཏབ་པས་བུམ་པའི་དགག་གཞི་ཆོས་ཅན་གྱི་སྟེང་དུ་བུམ་པའི་དགག་གཞི། བུམ་པའི་དགག་གཞི་ཆོས་ཅན་གྱི་སྟེང་དུ་བུམ་པའི་དགག་གཞི་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། བུམ་པའི་དགག་གཞི་ཆོས་ཅན། ཀྭ་བའི་དགག་གཞི་མ་ཡིན་པར་ཐལ། ཀྭ་བ་ཡོད་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་བུམ་པའི་དགག་གཞི་ཆོས་ཅན་གྱི་སྟེང་དུ་བུམ་པའི་དགག་གཞི། བུམ་པའི་དགག་གཞི་ཆོས་ཅན་གྱི་སྟེང་དུ་ཀྭ་བའི་དགག་གཞི་མ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། བུམ་པའི་དགག་གཞི་ཆོས་ཅན། ཤེས་བྱ་ཡིན་པར་ཐལ། གཞི་གྲུབ་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་བུམ་པའི་དགག་གཞི་ཆོས་ཅན་གྱི་སྟེང་དུ་བུམ་པའི་དགག་གཞི་བུམ་པའི་དགག་གཞི་ཆོས་ཅན་གྱི་སྟེང་དུ་ཤེས་བྱ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར།
ཁ་ཅིག་ན་རེ། བུམ་པ་ཚད་མས་མ་དམིགས་པའི་ས་ཕྱོགས་ཆོས་ཅན། བུམ་པ་དང་རྫས་ཐ་དད་ཡིན་པར་ཐལ། རྫས་ཡིན་པ་གང་ཞིག ། བུམ་པ་དང་རྫས་གཅིག་མ་ཡིན་པའི་ཕྱིར་ཟེར་ན་མ་ཁྱབ། འདོད་མི་ནུས་ཏེ། དེ་ལ་འདོད་ལན་བཏབ་པས་བུམ་པ་ཚད་མས་མ་དམིགས་པའི་ས་ཕྱོགས་ཆོས་ཅན་གྱི་སྟེང་དུ་བུམ་པ་ཚད་མས་མ་དམིགས་པའི་ས་ཕྱོགས། བུམ་པ་ཚད་མས་མ་དམིགས་པའི་ས་ཕྱོགས་ཆོས་ཅན་གྱི་སྟེང་དུ་བུམ་པ་དང་རྫས་ཐ་དད་ཡིན་པར་འདོད་ཅེས་རྩི་རིགས་ཤིང་འདོད་ལན་མི་ཐེབས་པ་དེ་ཡིན་པའི་ཕྱིར། དེར་ཐལ། བུམ་པ་ཚད་མས་མ་དམིགས་པའི་ས་ཕྱོགས་ཆོས་ཅན་གྱི་སྟེང་དུ་བུམ་པ་རྫས་མ་ཡིན་པའི་ཕྱིར། དེར་ཐལ། བུམ་པ་ཚད་མས་མ་དམིགས་པའི་ས་ཕྱོགས་ཆོས་ཅན་གྱི་སྟེང་དུ་བུམ་པ་ཚད་མས་མ་དམིགས་པའི་ཕྱིར། དེར་ཐལ། བུམ་པ་ཚད་མས་མ་དམིགས་པའི་ས་ཕྱོགས་ཆོས་ཅན་གྱི་སྟེང་དུ་བུམ་པ་མེད་པའི་ཕྱིར།
ཁ་ཅིག་ན་རེ། ཀྭ་བུམ་གཉིས་ཀྱི་དགག་གཞི་ཆོས་ཅན། བུམ་པའི་དགག་གཞི་ཡིན་པར་ཐལ། ཀྭ་བུམ་གཉིས་ཀའི་དགག་གཞི་ཡིན་པའི་ཕྱིར་ཟེར་ན་མ་ཁྱབ། འདོད་ན། ཀྭ་བུམ་གཉིས་ཀའི་དགག་གཞི་ཡིན་ན་བུམ་པའི་དགག་གཞི་ཡིན་པས་ཁྱབ་པར་ཐལ། ཀྭ་བུམ་གཉིས་ཀའི་དགག་གཞི་བུམ་པའི་དགག་གཞི་ཡིན་པའི་ཕྱིར། འདོད་ན། ཀྭ་བའི་དགག་གཞི་ཆོས་ཅན། བུམ་པའི་དགག་གཞི་ཡིན་པར་ཐལ། ཀྭ་བུམ་གཉིས་ཀའི་དགག་གཞི་ཡིན་པའི་ཕྱིར། ཁྱབ་པ་ཁས། འདོད་ན། ཀ་པའི་དགག་གཞི་ཆོས་ཅན། བུམ་པའི་དགག་གཞི་མ་ཡིན་པར་ཐལ། བུམ་པ་ཡོད་པའི་ཕྱིར། མ་གྲུབ་ན། ཀྭ་བ་མེད་ན་བུམ་པ་མེད་པས་ཁྱབ་པར་ཐལ། ཀྭ་བའི་དགག་གཞི་ཡིན་ན་བུམ་པའི་དགག་གཞི་ཡིན་པས་ཁྱབ་པའི་ཕྱིར། དེར་ཐལ། ཀྭ་བའི་དགག་གཞི་བུམ་པའི་དགག་གཞི་ཡིན་པའི་ཕྱིར། རྟགས་ཁས། བྱས་པ་ལ་ཁོ་ན་རེ། ཀྭ་བའི་དགག་གཞི་ཆོས་ཅན། བུམ་པའི་དགག་གཞི་ཡིན་པར་ཐལ། ཀྭ་བུམ་གཉིས་ཀའི་དགག་གཞི་ཡིན་པའི་ཕྱིར་ཟེར་ན་མ་ཁྱབ། མ་གྲུབ་ན། ཀྭ་བའི་དགག་གཞི་ཆོས་ཅན། ཀྭ་བུམ་གཉིས་ཀའི་དགག་གཞི་ཡིན་པར་ཐལ། ཁྱོད་ཡོད་པ་གང་ཞིག ། ཀྭ་བུམ་གཉིས་མེད་པའི་ཕྱིར། རྟགས་དང་པོ་སླ། གཉིས་པ་མ་གྲུབ་ན། ཀྭ་བའི་དགག་གཞི་ཆོས་ཅན། ཀྭ་བུམ་གཉིས་མེད་པར་ཐལ། ཀྭ་བ་མེད་པའི་ཕྱིར། མ་ཁྱབ་ན་ཁྱབ་པ་ཡོད་པར་ཐལ། ཀྭ་བུམ་གཉིས་ཡོད་པ་ལ་ཀྭ་བ་ཡོད་དགོས་པའི་ཕྱིར།
ཁ་ཅིག་ན་རེ། ཀྭ་བུམ་གཉིས་ཀྱི་དགག་གཞི་ཆོས་ཅན། ཀྭ་བུམ་གཉིས་ཀའི་དགག་གཞི་མ་ཡིན་པར་ཐལ། ཀྭ་བུམ་གཉིས་ཡོད་པའི་ཕྱིར། མ་གྲུབ་ན། ཀྭ་བུམ་གཉིས་ཀའི་དགག་གཞི་ཆོས་ཅན། ཀྭ་བུམ་གཉིས་ཡོད་པར་ཐལ། བུམ་པ་ཡོད་པ་གང་ཞིག ། ཀྭ་བ་ཡོད་པའི་ཕྱིར་ཟེར་ན་མ་ཁྱབ། རྟགས་དང་པོ་མ་གྲུབ་ན། ཀྭ་བུམ་གཉིས་ཀའི་དགག་གཞི་ཆོས་ཅན། བུམ་པ་ཡོད་པར་ཐལ། བུམ་པའི་དགག་གཞི་མ་ཡིན་པའི་ཕྱིར། རྟགས་གཉིས་པ་མ་གྲུབ་ན། ཀྭ་བུམ་གཉིས་ཀའི་དགག་གཞི་ཆོས་ཅན། ཀྭ་བ་ཡོད་པར་ཐལ། ཀྭ་བའི་དགག་གཞི་མ་ཡིན་པའི་ཕྱིར།
ཁ་ཅིག་ན་རེ། བུམ་པའི་དགག་གཞི་ཆོས་ཅན་གྱི་སྟེང་དུ་ཤེས་བྱ་ཆོས་ཅན། ཁྱོད་བུམ་པའི་དགག་གཞི་ཡིན་པར་ཐལ། ཁྱོད་ཡོད་པ་གང་ཞིག ། བུམ་པ་མེད་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་མི་ཐེབས་ཟེར་ན། དེ་ཐེབས་པར་ཐལ། དེ་ལ་འདོད་ལན་བཏབ་པའི་ཚེ་བུམ་པའི་དགག་གཞི་ཆོས་ཅན་གྱི་སྟེང་དུ་ཤེས་བྱ་ཆོས་ཅན་གྱི་སྟེང་དུ་བུམ་པའི་དགག་གཞི་ཆོས་ཅན་གྱི་སྟེང་དུ་ཤེས་བྱ། བུམ་པའི་དགག་གཞི་ཆོས་ཅན་གྱི་སྟེང་དུ་ཤེས་བྱ་ཆོས་ཅན་གྱི་སྟེང་དུ་བུམ་པའི་དགག་གཞི་ཡིན་པར་འདོད་ཅེས་རྩི་རིགས་ཞིང་འདོད་ལན་ཡང་ཐབས་པ་ཡིན་པའི་ཕྱིར། རྟགས་དང་པོ་མ་གྲུབ་ན། དེ་ལ་འདོད་ལན་བཏབ་པས་དེ་ལྟར་དུ་རྩི་རིགས་པར་ཐལ། བུམ་པའི་དགག་གཞི་ཆོས་ཅན་གྱི་སྟེང་དུ་ཤེས་བྱ་ཆོས་ཅན། རྟག་པ་ཡིན་པར་ཐལ། ཡོད་པ་གང་ཞིག ། དངོས་པོ་མ་ཡིན་པའི་ཕྱིར་ཞེས་བའི་ཐལ་འགྱུར་གྱི་གསལ་བ་ལ་འདོད་ལྡན་བཏབ་པས་བུམ་པའི་དགག་གཞི་ཆོས་ཅན་གྱི་སྟེང་དུ་ཤེས་བྱ་ཆོས་ཅན་གྱི་སྟེན་དུ་བུམ་པའི་དགག་གཞི་ཆོས་ཅན་གྱི་སྟེང་དུ་ཤེས་བྱ། བུམ་པའི་དགག་གཞི་ཆོས་ཅན་གྱི་སྟེང་དུ་ཤེ་བྱ་ཆོས་ཅན་གྱི་སྟེང་དུ་རྟག་པ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། བུམ་པའི་དགག་གཞི་ཆོས་ཅན་གྱི་སྟེང་དུ་ཤེས་བྱ་ཆོས་ཅན། ཡོད་པར་ཐལ། གཞི་གྲུབ་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པའི་ཚེ་བུམ་པའི་དགག་གཞི་ཆོས་ཅན་གྱི་སྟེང་དུ་ཤེས་བྱ་ཆོས་ཅན་གྱི་སྟེང་དུ་བུམ་པའི་དགག་གཞི་ཆོས་ཅན་གྱི་སྟེང་དུ་ཤེས་བྱ། བུམ་པའི་དགག་གཞི་ཆོས་ཅན་གྱི་སྟེང་དུ་ཤེས་བྱ་ཆོས་ཅན་གྱི་སྟེང་དུ་ཡོད་པར་འདོད་ཅེས་རྩི་རིགས་པ་ཡིན་པའི་ཕྱིར།
ཁ་ཅིགན་རེ༑ བུམ་པའི་དགག་གཞི་ཆོས་ཅན། ཁྱོད་ཁྱོད་དང་གཅིག་ཡིན་པར་ཐལ། ཁྱོད་གཞི་གྲུབ་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པའི་ཚེ་བུམ་པའི་དགག་གཞི་བུམ་པའི་དགག་གཞི་དང་གཅིག་ཡིན་པར་འདོད་ཅེས་རྩི་རིགས་ཟེར་ན། དེ་མི་རིགས་པར་ཐལ། དེ་ལ་འདོད་ལན་བཏབ་པས་བུམ་པའི་དགག་གཞི་ཆོས་ཅན་གྱི་སྟེང་དུ་བུམ་པའི་དགག་གཞི་། བུམ་པའི་དགག་གཞི་ཆོས་ཅན་གྱི་སྟེང་དུ་བུམ་པའི་དགག་གཞི་དང་གཅིག་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། དེར་ཐལ། བུམ་པའི་དགག་གཞི་ཆོས་ཅན། ཁྱོད་བུམ་པའི་དགག་གཞི་ཡིན་པར་ཐལ། ཁྱོད་ཡོད་པ་གང་ཞིག ། བུམ་པ་མེད་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་བུམ་པའི་དགག་གཞི་ཆོས་ཅན་གྱི་སྟེང་དུ་བུམ་པའི་དགག་གཞི། བུམ་པའི་དགག་གཞི་ཆོས་ཅན་གྱི་སྟེང་དུ་བུམ་པའི་དགག་གཞི་ཡིན་པར་འདོད་ཅེས་རྩི་རིགས་པ་གང་ཞིག ། དེའི་རིགས་འགྲོས་ཀྱིས་ཤེས་པའི་ཕྱིར།
ཁ་ཅིག་ན་རེ། བུམ་པའི་དགག་གཞི་ཆོས་ཅན་གྱི་སྟེང་དུ་རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་མི་ཐེབས་ཟེར་ན། དེ་ཐེབས་པར་ཐལ། དེ་ལ་འདོད་ལན་བཏབ་པས་བུམ་པའི་དགག་གཞི་ཆོས་ཅན་གྱི་སྟེང་དུ་རྣམ་མཁྱེན་ཆོས་ཅན་གྱི་སྟེང་དུ་བུམ་པའི་དགག་གཞི་ཆོས་ཅན་གྱི་སྟེང་དུ་རྣམ་མཁྱེན། བུམ་པའི་དགག་གཞི་ཆོས་ཅན་གྱི་སྟེང་དུ་རྣམ་མཁྱེན་ཆོས་ཅན་གྱི་སྟེང་དུ་བུམ་པའི་དགག་གཞི་ཆོས་ཅན་གྱི་སྟེང་དུ་རྣམ་མཁྱེན། དངོས་པོར་རྟོགས་པའི་ཚད་མ་ཡིན་པར་འདོད་ཅེས་རྩི་རིགས་པ་གང་ཞིག ། དེ་ལྟར་བརྩིས་པས་འདོད་ལན་ཡང་ཐེབས་པ་ཡིན་པའི་ཕྱིར། རྟགས་དང་པོ་མ་གྲུབ་ན། དེ་ལ་འདོད་ལན་བཏབ་པས་དེ་ལྟར་དུ་རྩི་རིགས་པར་ཐལ། རྣམ་མཁྱེན་ཆོས་ཅན། དངོས་པོར་རྟོགས་པའི་ཚད་མ་ཡིན་པར་ཐལ། ཚད་མ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་རྣམ་མཁྱེན་རྣམ་མཁྱེན་དངོས་པོར་རྟོགས་པའི་ཚད་མ་ཡིན་བར་འདོད་ཅེས་རྩི་རིགས་པ་གང་ཞིག ། དེ་གཉིས་ཀྱི་རྩི་ཚུལ་ལ་མི་འདྲ་བའི་ཁྱད་པར་མེད་པའི་ཕྱིར།
གཞན་ཡང་། དེ་ལ་འདོད་ལན་བཏབ་པས་དེ་ལྟར་དུ་རྩི་རིགས་པ་ཡིན་པར་ཐལ། བུམ་པའི་དགག་གཞི་ཆོས་ཅན་གྱི་སྟེང་དུ་རྣམ་མཁྱེན་ཆོས་ཅན། རྟག་པར་རྟོགས་པའི་ཚད་མའི་དགག་གཞི་ཡིན་པར་ཐལ། དངོས་པོ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པའི་ཚེ་བུམ་པའི་དགག་གཞི་ཆོས་ཅན་གྱི་སྟེང་དུ་རྣམ་མཁྱེན་ཆོས་ཅན་གྱི་སྟེང་དུ་བུམ་པའི་དགགགཞི་ཆོས་ཅན་གྱི་སྟེང་དུ་རྣམ་མཁྱེན། བུམ་པའི་དགག་གཞི་ཆོས་ཅན་གྱི་སྟེང་དུ་རྣམ་མཁྱེན་ཆོས་ཅན་གྱི་སྟེང་དུ་བུམ་པའི་དགག་གཞི་ཆོས་ཅན་གྱི་སྟེང་དུ་རྣམ་མཁྱེན་རྟག་པར་རྟོགས་པའི་ཚད་མའི་དགག་གཞི་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། བུམ་པའི་དགག་གཞི་ཆོས་ཅན་གྱི་སྟེང་དུ་རྣམ་མཁྱེན་ཆོས་ཅན། རྟག་པར་རྟོགས་པའི་ཚད་མ་མེད་པར་ཐལ། རྟག་པར་རྟོགས་པའི་ཚད་མའི་དགག་གཞི་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་བུམ་པའི་དགག་གཞི་ཆོས་ཅན་གྱི་སྟེང་གདུ་རྣམ་མཁྱེན་ཆོས་ཅན་གྱི་སྟེང་དུ་བུམ་པའི་དགག་གཞི་ཆོས་ཅན་གྱི་སྟེང་དུ་རྣམ་མཁྱེན་རྟག་པར་རྟོགས་པའི་ཚད་མ། བུམ་པའི་དགག་གཞི་ཆོས་ཅན་གྱི་སྟེང་དུ་རྣམ་མཁྱེན་ཆོས་ཅན་གྱི་སྟེང་དུ་མེད་པར་འདོད་ཅེས་རྩི་རིགས་པ་ཡིན་པའི་ཕྱིར། དེར་ཐལ། བུམ་པའི་དགག་གཞི་ཆོས་ཅན། ཡོད་པར་རྟོགས་པའི་ཚད་མ་ཡོད་པར་ཐལ། ཡོད་པ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལན་བཏབ་པས་བུམ་པའི་དགག་གཞི་ཆོས་ཅན་གྱི་སྟེང་དུ་བུམ་པའི་དགག་གཞི་ཡོད་པར་རྟོགས་པའི་ཚད་མ། བུམ་པའི་དགག་གཞི་ཆོས་ཅན་གྱི་སྟེང་དུ་ཡོད་པར་འདོད་ཅེས་རྩི་རིགས་པ་གང་ཞིག ། དེའི་རིགས་འགྲོས་ཀྱིས་ཤེས་པའི་ཕྱིར།
ཁ་ཅིག་ན་རེ། བུམ་པའི་དགག་གཞི་ཆོས་ཅན་གྱི་སྟེང་དུ་ཁྱོད་ཆོས་ཅན། ཀྭ་བའི་དགག་གཞི་ཆོས་ཅན་གྱི་སྟེང་དུ་ཁྱོད་ཆོས་ཅན། རྟག་པ་ཡིན་པར་ཐལ། རྟག་པ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལྡན་འདེབས་ཚུལ་མེད་ཟེར་ན། དེ་ཡོད་པར་ཐལ། དེ་ལ་འདོད་ལན་བཏབ་པས་བུམ་པའི་དགག་གཞི་ཆོས་ཅན་གྱི་སྟེང་དུ་ཁྱོད་ཆོས་ཅན་གྱི་སྟེང་དུ་ཀྭ་བའི་དགག་གཞི་ཆོས་ཅན་གྱི་སྟེང་དུ་བུམ་པའི་དགག་གཞི་ཆོས་ཅན་གྱི་སྟེང་དུ་ཁྱོད་ཆོས་ཅན་གྱི་སྟེང་དུ་བུམ་པའི་དགག་གཞི་ཆོས་ཅན་གྱི་སྟེང་དུ་ཁྱོད་ཆོས་ཅན། བུམ་པའི་དགག་གཞི་ཆོས་ཅན་གྱི་སྟེང་དུ་ཁྱོད་ཆོས་ཅན་གྱི་སྟེང་དུ་རྟག་པ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། མ་གྲུབ་ན། ཁྱོད་ཆོས་ཅན། དེ་ལ་འདོད་ལན་བཏབ་པས་དེ་ལྟར་དུ་རྩི་རིགས་པར་ཐལ། བུམ་པའི་དགག་གཞི་ཆོས་ཅན། ཀྭ་བའི་དགག་གཞི་ཆོས་ཅན་གྱི་སྟེང་དུ་ཁྱོད་ཆོས་ཅན། རྟག་པ་ཡིན་པར་ཐལ། རྟག་པ་ཡིན་པའི་ཕྱིར་ཞེས་པའི་ཐལ་འགྱུར་གྱི་གསལ་བ་ལ་འདོད་ལྡན་བཏབ་པས་བུམ་པའི་དགག་གཞི་ཆོས་ཅན་གྱི་སྟེང་དུ་ཀྭ་བའི་དགག་གཞི་ཆོས་ཅན་གྱི་སྟེང་དུ་བུམ་པའི་དགག་གཞི་ཆོས་ཅན་གྱི་སྟེང་དུ་བུམ་པའི་དགག་གཞི་ཆོས་ཅན། བུམ་པའི་དགག་གཞི་ཆོས་ཅན་གྱི་སྟེང་དུ་རྟག་པ་ཡིན་པར་འདོད་ཅེས་རྩི་རིགས་པ་ཡིན་པའི་ཕྱིར། །
རྩོམ་སྒྲིག་པ། བློ་བཟང་བཀྲ་ཤིས།